Tie Dye – bring Farb i din Chleiderschrank! 🎨

Hesch Lust echli Farb i din Chleiderschrank zbringe? Denn zeiged mer der höt en Weg wie du mit Lebensmittelfarb dini wisse Chleider ufpeppe chasch!

Am beste hebt dFarb be Chleidigsstück wo us Proteinfasere gmacht sind (Wolle, Kaschmir, Seide). Baumwolle laht sech au guet färbe, aber dFarb wird eifach schneller usegwäsche.

För dis Projekt bruchsch du:

Füll e gnueg grossi Schüssle zur Hälfti mit Wasser und zur Hälfti mit Weissweinessig. Leg dini Chleider dri und lahn sie för 30 Min. iwörke. So hebt am Schluss dFarb besser.

2. Lueg dass du en Unterlag hesch, uf dere dFarb ned abfärbe chan oder söst nimmsch der es altes Tuech oder machsch de Spass im Garte im Rase.

3. Suech der sovell Plastikfläschene zäme, wie du verschiedeni Lebensmittelfarbene usgsuecht hesch. Füll ca 2dl i ei Fläsche und gib dis ganze Tübli vode Farb dri. Schüttles guet dure bis sich dFarb ufglöst het.

4. Nimm de Fläschedeckel und mach obe es Loch dri. Das gaht guet mit emene Fläscheöffner oder was du söst grad findsch. Frög doch am beste dis Mami oder din Papi öb sie der debi helfe chönd.

5. Nimm jetzt dini Chleider us de Wasser-Essig Mischig und drück sie guet uus.

6. Wickle de Stoff zunere Spirale und binde Gümmibänder drum ume, um es Spiralmuster zbecho. Du chasch dech da frei ustobe und verschiedensti Technike usprobiere!

7. Färb einzelni Abschnitt uf dine igwicklete Chleider. Au da chasch du dech frei ustobe und so vell/wenig Farbe neh wie du möchtisch! Vergiss ned das Ganze au umzdreie und dRücksite au azfärbe.

8. Pack jetzt dis gfärbte Chleidigsstück inen Plastiksack und mach ihn guet zue. Be mehrere Chleider, packsch alli einzeln inen Sack. Lah dFarb bis zu 24 Stund iwörke.

9. Am nächste Tag machsch en Schüssle mit chaltem Wasser und 1-2 Esslöffel Salz parat. Tauche jetzt dini gfärbte Chleider det ine so dass sie komplett unter Wasser sind. Lass sie es paar Minute iwörke.