Jubla Dihei

Liebi Gümmel 🌞

S Leitigsteam hed sich öppis für euch überleit, damit mer trotzdem alli zäme in Kontakt blibe chönd und zäme Sache erlebe chönd – au wenn nur virtuell. Jede Tag wird uf eusere Instagramsiite, Facebooksiite und uf de Websiite öppis ufeglade – e Challenge, es Rezept, es Rätsel oder suscht irgend e cooli Idee. Schicked eus Fotis vode Tagesufgab per Mail oder Instagram Direct, damit mer au mit euch mitfiebere chönd.

Liebi Grüessli und bis bald, euchi Leiterinne!

 


Hesch gwüsst? Am Sunntig isch Vatertag!

Bastle mit eus e Vatertagscharte!

Freitag 05.06.20

 


Hesch Lust echli Farb i din Chleiderschrank zbringe? Denn zeiged mer der höt en Weg wie du mit Lebensmittelfarb dini wisse Chleider ufpeppe chasch! 👩🏼‍🎨

Tie Dye mit Lebensmittelfarb – so gahts! 🎨

Dienstag 02.06.20

 


Hesch Lust uf es digitals Pfingstlager mit de ganze Schwiiz, chli Abwechslig und Lagerstimmig dehei? 🏕🌞 Lueg mal uf dere Website https://pfila-at-home.ch/ verbi!
Hüt Abig gits sogar e riesegrossi Zoomkonferenz, wo die ganzi Schwiiz zäme singt, wie mer amigs ide Lager am Lagerfüür – wär doch cool als Erinnerig a die Ziit. Oder hesch Lust en Zwerg oder e Gable z schnitze? Au für das findsch e Aleitig.🌿🌿

 

Sonntag 31.05.20

 


Zaubere us dine früsch pflückte Erdbeeri es feins Dessert!

Mittwoch 27.05.20

 


Es wird wieder Zit, euch alli zgseh und darum hend mir en witeri Online Gruppestund plant! Mer treffed eus am Zistig, 26. Mai am 18.00 uf Zoom und mached es entspannendes (Partner)Yoga zäme. Ihr chönd euch also ganz bequem chleide. Am beste schnappsch du dir für de Spass dini Schwöster, din Brüeder, dis Mami oder din Papi, du chasch natürli au alleige cho.

De Link und sPasswort hend mer euch per Mail gschickt. Mer hoffed ihr sind all debii und dass es wieder en riiese Spass wird! 🧘🏼‍♀️

Montag 25.05.20

 


Hesch gwüsst? Gsichtsmaske chasch ganz eifach us natürliche Zuetate selber mache.🍓🥒🥛🧘🏽‍♀️

Puuri Entspannig garantiert!

Samstag 23.05.20

 


Guete Morge🌞 hüt hämmer kei neui Idee für eu, sondern wänd eu alli dezue motiviere, e Idee vode letschte 2 Wuche wo ihr noni usprobiert händ, z mache. Ab id Chuchi, id Natur oder is Bastelzimmer & eus flissig Fotis schicke!🥳

Freitag 22.05.20

 


Wie guet kennsch du eusi Schar?
Finds use mit eusem hütige Rätsel!
Beantworte alli Frage und schick eus dini Antworte per Mail (blauring-st-sebastian@blauring-wettingen.ch) oder uf euse Instagram Account (blauring_st.sebastian).
Du hesch Ziit bes am Sunntigabig de 24. Mai.
Gib der Müeh för de Gwünner gits e jublastischi Überraschig! 🎉

Donnerstag 21.05.20

 


Hesch lust mal dis eigete Glace z mache?! Denn hämmer da für dich es Rezept wo du ganz eifach dehei chasch nah mache

Summerziit isch Glaceziit!🍦

Mittwoch 20.05.20

 


Isch dis Armglenk leer und brucht dringend es paar Bändlis wo sie schmücked? Denn bisch be eus genau richtig!

Lagerstimmig au för dehei! 🧶

Dienstag 19.05.20

 


Mach au du mit!

Montag 18.05.20

 


Hesch du es alts Chleidigsstück wo der nöme passt oder gfallt? Denn näih doch dis eigete Haargummi drus! 🧵

Näih dis eigete Haargummi!

Sonntag 17.05.20

 


D Sunne schiint wieder juhe!☀️ das Wuchenend isch doch super Wetter zum mal wieder grilliere – im Wald oder dehei.

Ab go grilliere! 🌞

Samstag 16.05.20

 


Hüt gits weder e füürigi Idee! 🔥

Bau dini eigeni Zündhölzlibahn!

Bau dini eigeni Zündhölzlibahn!

Freitag 15.05.20

 


Es git wieder öbis zum esse! Mer hoffed ihr hends genau so gern wie mir!😋

Feini Schoggicornflakes!

Donnerstag 14.05.20

 


 

Hesch Lust uf e schön Überraschung bi dem regnerische Wetter? ☔️🌻

Mittwoch 13.05.20

 


 

Vermissisch au du dini Gruppestunde und hesch lust wiedermal dis Tanzbei zschwinge? Denn mach höt am 6i mit be eusere Tanzgruppestund über Zoom!  

De Link hend mer euch allne per Mail gschickt. Klick druf und scho bisch debi! 

Mer freued eus uf velli Tänzerinne!💃🏾

Dienstag 12.05.20

 


 

Bisch au du en Star-Architektin?

Montag 11.05.20

 


 

Bastle mit eus en Fotihalter!

Samstag 09.05.20

 


 

Choched mit eus!

Donnerstag 07.05.20

 


 

Bached mit eus!

Mittwoch 06.05.20